(თარგმნა გია ჯოხაძემ)
რუსეთის მდებარეობა მის გარემომცველ სამყაროში სხვადასხვა თვალსაზრისით შეგვიძლია განვიხილოთ. შესაძლოა, მისი ადგილი ძველი სამყაროს დასავლეთი ნაწილის ,,ცალკეულ ისტორიათა" რიგში განისაზღვროს, სადაც მისი კულტურის ისტორიული კერებია განთავსებული. შესაძლოა, ძველი სამყარო ერთგვარ ერთიანობადაც აღვიქვათ.
ამ სტატიაში გვსურს რამდენიმე - ისტორიული და სამეურნეო-გეოგრაფიული - შენიშვნა გამოვთქვათ, რომლებიც ძველი სამყაროს, სწორედ როგორც ერთიანობის, ისტორიული ბედისა და გეოგრაფიული ბუნების განხილვას გულისხმობს. ამგვარი აღქმისას ყალიბდება ურთიერთდაპირისპირებულობა - ერთი მხრივ, ძველი სამყაროს ,,განაპირა-ზღვისპირა" ოლქები - აღმოსავლეთით (ჩინეთი!), სამხრეთით (ინდოეთი და ირანი!) და დასავლეთით (,,შუახმელეთი" და დასავლეთ ევროპა!) - და მეორე მხრივ, Â ტრამალებში მოხეტიალე მომთაბარეთა, ,,თურქთა" თუ ,,მონღოლთა" სამყარო.
