რატომ? ამბობს ცაბაოთ უფალი. იმიტომ, რომ მიგდებულია ჩემი სახლი, თქვენ კი ყველანი თქვენს სახლებზე ზრუნავთ. 1
ანგია წინასწარმეტყველი, 1, 10
ახლა მიუტევე მათ ეს ცოდვა, თუ არა და, ამომშალე შენი დაწერილი წიგნიდან
გამოსვლა, 32, 32
,,რევოლუციის" გრძელი ხანა რუსეთის იდეალი იყო. საზოგადოებრივი შეგნება ,,რევოლუციონერის" სახეს პატრიოტის იმ უმაღლეს ტიპად მიიჩნევდა, რომელშიც ერთმანეთს შერწყმოდა სწრაფვათა ამაღლებულობა, ხალხის, უსახლკაროთა და დამაშვრალთა სიყვარული, საყოველთაო ბედნიერების საკურთხეველზე მსხვერპლად შეწირვა. განსხვავებულ ადამიანებს ამ ცნებაში რა ურთიერთსაპირისპირო - მონარქიულიდან ანარქიულამდე - შინაარსიც უნდა ეგულისხმათ, ერთი რამ აერთიანებდათ - იმის რწმენა, რომ ორგანიზებული საზოგადოებრიობა, ხალხის ჯანსაღი აზრი თუ ,,სიყვარულის დიდი საქმისათვის დახოცილთაუსაზღვრო თავდადება ნებისყოფას დაძაბავს და რუსეთის კისერზე მოხვეული სოციალური და პოლიტიკური ბოროტების ყულფის გაწყვეტას შეძლებს, კულტურულ-საზოგადოებრივი ყოფის სრულყოფილ ფორმას დაამკვიდრებს.
